Hate Speech in the Perspective of International Law and the European Convention on Human Rights: A Comparative Analysis with Albanian Legislation

Abstract

Gjuha e urrejtjes mund të ndikojë në kushtet sociale, ekonomike dhe ndërpersonale të njerëzve. Në mjedisin e sotëm të rritjes së ekstremizmit të djathtë dhe populizmit, është thelbësore që autoritetet të ndërmarrin hapat e nevojshëm për të adresuar gjuhën e urrejtjes. Përkufizimi i gjuhës së urrejtjes përfshin çdo lloj komunikimi që nxit ose inkurajon dhunë, diskriminim, urrejtje ose padrejtësi ndaj individëve ose grupeve të caktuara, për shkak të identitetit të tyre të racës, etnisë, religjionit, orientimit seksual, aftësisë fizike, ose çdo karakteristike tjetër të veçantë. Kjo mund të përfshijë fjalë ofenduese, thirrje për dhunë, ose shpërndarje të stereotipeve dhe paragjykimeve që mund të shkaktojnë pasiguri dhe përçarje në shoqëri. Në nivel global, mjetet që po zhvillohen për të luftuar këtë çështje përfshijnë masa që ndalojnë në mënyrë eksplicite disa forma të të folurit. Ky punim synon të analizojë gjuhën e urrejtjes në këndvështrimin e së drejtës ndërkombëtare, veçanërisht Konventës Europiane të të Drejtave të Njeriut, dhe impaktin e saj në legjislacionin shqiptar. Rrjedhimisht, fokusi i këtij punimi është analiza e legjislacionit ndërkombëtar për gjuhën e urrejtjes, Konventës Europiane e të të Drejtave të Njeriut dhe legjislacionit shqiptar. Gjithashtu, punimi analizon praktikën e Gjykatës Europiane të Drejtësisë lidhur me gjuhën e urrejtjes. Kjo tezë argumenton që legjislacioni shqiptar është përgjithësisht në përputhje me standartet ndërkombëtare dhe Konventën Europiane të të Drejtave të Njeriut, duke siguruar një balancim të nevojshëm ndërmjet lirisë së shprehjes dhe mbrojtjes nga gjuha e urrejtjes. Kjo tezë argumenton që legjislacioni shqiptar është përgjithësisht në përputhje me standartet ndërkombëtare dhe Konventën Europiane të të Drejtave të Njeriut, duke siguruar një balancim të nevojshëm ndërmjet lirisë së shprehjes dhe mbrojtjes nga gjuha e urrejtjes. Kjo mund të ndihmojë në forcimin e një shoqërie që respekton të drejtat e çdo individi dhe që promovon harmoni dhe bashkëjetesë mes grupeve të ndryshme. Në përfundim, është e rëndësishme të theksohet se përballimi i gjuhës së urrejtjes kërkon një angazhim të vazhdueshëm nga ana e shtetit, shoqërisë civile dhe institucioneve ndërkombëtare.